WILLEMSTAD – A bende un moneda di oro poko komun di historia monetario Kurasoleño na un findishi pa 390.400 USD, kombertí den mas o ménos 702.000 florin Karibense. Den Euro e moneda a produsí mas ku 336.000 euro.
Ta trata di un moneda di oro di 180 reaal di komienso di siglo djesnuebe. E tempu ei tabata ekipá moneda na Kòrsou ku un stèmpel ofisial, di moda ku por a usa esaki komo medio di pago legal riba e isla.
E moneda ta spesial pasobra tiki ehemplar a keda wardá di e periodo aki. Ta konsiderá e ehemplar bendé na findishi komo úniko i lo ta e úniko ehemplar konosí na mundu ku e stèmpel spesífiko aki riba un moneda di oro Brasilero pisá di 1728.
Orígen
Su orígen ta debí na e situashon monetario intrankil na Kòrsou den kareda di 1815. Pa solushoná un eskases na moneda konfiabel, tabata ekipá monedanan di oro for di eksterior ku un kontra stèmpel. Ku esaki nan a haña balor ofisial pa uso riba e isla.
E kas di findishi Merikano Stack’s Bowers Galleries a bende e moneda. E kas di findishi a konta na promé instante riba un rendimentu di mas o ménos 100.000 USD. Finalmente a paga kasi kuater biaha e montante ei.
Ku e benta ta disparsé segun e kas di findishi un parti spesial di historia monetario Kurasoleño den un kolekshon superior partikular.