KRALENDIJK – Gasolin lo bira seis sèn pa liter mas barata na Boneiru for di djabièrnè 28 di ougùstùs. E preis di Mogas 95 lo baha for di USD 1,70 pa USD 1,64 pa liter. Gasoil tambe lo baha seis sèn, for di USD 1,38 pa USD 1,32 pa liter.
Un tanki di sinkuenta liter di gasolin lo kosta USD 3,00 ménos. Pa sinkuenta liter gasoil e benefisio ta mesun USD 3,00.
Segun e anunsio di gobièrnu, e preisnan mas abou ta e resultado di desaroyonan resiente riba e merkado internashonal i di preisnan di kompra di kumbustibel.
Gas di kushina mas barata, kerosin keda mesun
Gas di kushina tambe lo baha den preis. Un bòter grandi di gas lo kosta USD 54,00 for di diabièrne, en lugá di USD 57,00, un rebaho di USD 3,00. Un bòter chikitu lo baha for di USD 12,00 pa USD 11,00.
E preis di kerosin lo keda igual na USD 0,81.
Akseins
Pa determiná e preisnan, a apliká e reglanan for di e desishon temporal di rebaho di akseins pa Hulanda Karibense 2022 di 25 di mart 2022 i for di e Plan di Impuesto 2023. For di 1 di yanüari 2024, e tarifa di akseins pa gasolin ta bèk na e nível di promé ku 1 di aprel 2022.