PHILIPSBURG – Winair a logra un registrashon bou di dos programa internashonal di seguridad aéreo, tantu pa su flota di ATR 42 komo pa su flota di DHC-6 Twin Otter.
E kompania di aviashon ku tin su sede na Sint Maarten a anunsiá ku nan a pasa ku éksito e IATA Operational Safety Audit (IOSA) pa e operashonnan di ATR 42 i e IATA Standard Safety Assessment (ISSA) pa e operashonnan di Twin Otter.
Segun Winair, nan ta aktualmente e úniko kompania di aviashon na mundu ku tin tantu un registrashon IOSA komo un registrashon ISSA na mes momento. Preparashonnan pa e audits a kuminsá na kumienso di 2024 i a kubri diferente área operashonal, inkluso operashonnan di bùelo i di tera, mantenshon, seguridad i maneho organisashonal.
Segun e aerolínea a bisa, e sertifikashonnan lo por habri porta pa mas akuerdo di kódigo kompartí (codeshare) i interline ku kompanianan di aviashon internashonal.
Winair ta organisá vuelonan regional for di Sint Maarten pa diferente destinashon den e Karibe, inlkluyendo e islanan ABC.