KRALENDIJK - Sorobon lo bira un biaha mas e punto di enkuentro di fé i tradishon, ora komunidat di piskadónan di Boneiru ta bini huntu pa honra La Virgen del Valle durante su fiesta anual. E selebrashon, planifiká pa Djasabra 12 di sèptèmber 2026 i dediká na honor di Gilbert Soliana, ta un oportunidat pa rindi homenahe, preservá nos kultura i fortalese nos lasonan komo pueblo.
La Virgen del Valle, patrona stimá di piskadónan, ta simbolisá protekshon, speransa i union. Kada aña, su fiesta ta atraé devotonan i famianan ku ta selebrá e dia aki komo un tradishon sagrado.
E programa di dia lo habri ku un proseshon di botonan dekorá den bahia di Sorobon pa 15:30, sigui pa un misa solèm pa 16:30 na e mesun lugá. E misa lo ta akompañá pa kor di La Virgen del Valle. E selebrashon lo sera ku un brindis komunal den un ambiente di alegria, terminando rondó 19:30.
Fiesta di La Virgen del Valle ta hopi mas ku un aktividat religioso; e ta un símbolo di identidat i unidat. Nos ta invitá komunidat di piskadó i públiko en general pa tuma parti den e momentu spesial aki, krea rekuerdonan nobo i sigui fortalese nos konekshon komo famia i amigunan di piskadónan.
Nos ta pidi tur hende pa trese nan propio stul. Nos ta gradisí José & Deisy Velasco pa e bistí di La Virgen del Valle. Wak e potrèt den attachment.
IMPORTANTE: No ta permití usa blas pa dekorá e botonan. Nos ta pidi tur partisipante pa skohe solamente dekorashonnan ambientalmente responsabel, pa yuda protehá bahia i medio ambiente di Boneiru.