KRALENDIJK – Kolegio supervishon finansiero (Cft) a manda e proyekto di presupuesto di Boneiru pa 2027 bèk. Segun e supervisor finansiero e dokumento no ta kumpli ku e eksigensianan di kalidat legal i ku e fayonan no ta nobo, pero di karakter struktural. Boneiru ta haña te 28 di sèptèmber pa bini ku un vershon aktualisá. Ku esaki no ta alkansá e fecha límite legal pa entregá e presupuesto pa mas tardá 1 di sèptèmber na Konseho Insular.
E opinion di Cft ta fuerte. E presupuesto no ta kumpli segun e Kolegio ku e eksigensianan di e lei FinBES i e Desishon presupuesto i responsabilisashon entidatnan públiko BES. Pa motibu di motivashon defisiente Cft ta bisa di no por forma un opinion responsabel tokante e realidat i posibilidatnan finansiero di e presupuesto. E Kolegio ta mustra enfátikamente ku a hasi semehante rekomendashonnan tambe den añanan anterior.
Kaminda den añanan anterior Cft a konsehá ainda pa komplementá òf mehorá e presupuesto, ta bai awor un stap mas leu. E Kolegio ta skirbi ku netamente e karakter struktural di e fayonan ta motibu pa manda e proyekto di presupuesto bèk.
Presupuesto 2026 apénas aprobá
Realisashon di e presupuesto di 2026 tambe a kana difísil. Cft ta skirbi ku e presupuesto finalmente a yega lat i ku sosten atministrativo di e Kolegio ku un nivel di kalidat minimal akseptabel. Finalmente sekretario di estado a aprobá e presupuesto riba 21 di yanüari 2026. Bonaire.nu a skirbi fin di November 2025 kaba ku Boneiru ta haña tempu adishonal pa komplementá e presupuesto. Segun Cft i e ministerio e dokumento tabatin e tempu ei insufisiente informashon konkreto i tabata falta sufisiente splikashon di e gastu- i ingresonan. Diputado di Finansas di e tempu ei, Anthony Weber, a bisa e momento ei ku ”no tin motibu pa pániko” i tabata papia spesialmente di un tabèl ku tabata falta i ku mester a yena ainda.
Krítika a sigui pèrsistí sinembargo. Na luna di mart di e aña aki Bonaire.nu a skirbi ku Cft tabatin “insufisiente konfiansa” den e kalidat di e informashon finansiero di Entidat Públiko Boneiru. Kambionan importante tabata insufisiente motivá i informashon tokante maneho finansiero tambe tabata insufisiente.
Problemanan ta konosí pa añanan kaba
Bayendo bèk den tempu e mésun problemanan ta bini dilanti. E opinion di e proyekto di presupuesto di 2024 tabata mas positivo ainda. Boneiru tabata kumpli e tempu ei ku e norma di balanse sentral pa mas aña i Cft tabata positivo riba e splikashon di e prioridatnan di maneho. E tradukshon finansiero di esei sinembargo ya mester a drecha. Asina por ehèmpel tabata falta segun Cft sufisiente splikashon di gastunan i di konsekuensianan finansiero di invershonnan.
Durante presupuesto pa 2025 e atvertensia a bira mas opvio. Ounke e presupuesto ofisialmente tabata den balanse, Cft a konkluí ku e tradukshon finansiero di e plannan di maneho tabata insufisiente pa por evaluá e riesgonan finansiero bon.
Durante 2025 tambe e Kolegio a atvertí na diferente okashon tokante e proseso di presupuesto. Na luna di sèptèmber Bonaire.nu a skirbi ku no ta sigui e rekomendashonnan sufisientemente, tabèlnan no tabata konsistente, tabata falta splikashon i no tabata traha e konsekuensianan finansiero di mas aña sufisientemente transparente. Banda di esei tabata hasi gastunan sin base presupuestario.
Selibon i Lagun
Den e proseso di presupuesto 2027 Cft ta mira e problemanan ei di nobo bèk. Asina por ehèmpel apénas ta splika desviashonnan grandi relashoná ku e kuenta anual 2025 i e presupuesto 2026.
Un ehèmpel remarkabel ta e estado finansiero rondó di Selibon i lèntfel Lagun. Cft ta bisa ku falta un estado finansiero di mas aña. E gastunan por alkansá te 40 mion dòler segun e Kolegio, pero un prosesamentu numériko òf bista integral falta kasi kompletamente den e kalkulashon di mas aña.
Pa loke ta trata invershonnan falta segun Cft ainda informashon importante. Na e presupuestonan pa 2024 i 2025 a mustra Boneiru kaba ku mester trese kla dilanti kua gastu di depresiashon, mantenshon i otro gastunan struktural ta bini di invershonnan. A ripití e krítika den e presupuesto di 2026. Den presupuesto di 2027 tampoko a solushoná esei segun Cft.
Maneho finansiero insufisiente elaborá
Banda di esei Cft ta krítiko riba e paragraf tokante maneho finansiero. E presupuesto ta menshoná segun e Kolegio prinsipalmente kompletashon di e Manual Maneho Finansiero, mientras ku tin retonan muchu mas grandi.
P’esei ta informá tantu Konseho Insular komo e sekretario di estado i e Kolegio mes insufisiente segun Cft tokante problemanan i e medidanan ku gobièrnu ke tuma pa mehorá e maneho finansiero strukturalmente.
Jennifer Mohamedjoenoes ta responsabel pa finansas
E kartera di Finansas Públiko i Impuesto ta serka diputado Jennifer Mohamedjoenoes. For di 26 di ougùstùs redakshon ta purba di haña un entrevista kuné tokante e rapòrt di Cft. Te ainda no a haña niun reakshon pa esaki.
Cft ta pidi kolegio ehekutivo awor pa mehorá e presupuesto ku konsekuensia gráfiko i entregu’é di nobo atrobe pa mas tardá 28 di sèptèmber pa konseho. Ku esaki e gobièrnu aktual ta haña ménos ku un luna pa solushoná defisiensianan, kaminda e supervisor finansiero mes ta indiká ku esakinan ta kontinuando vários aña di presupuesto kaba.
Lesa aki e karta kompleto di Cft