WILLEMSTAD - Riba petishonon di autoridatnan Venezolano, Zr.Ms. Pelikaan a sali for di Kòrsou pa e waf Venezolano di La Guaira djamars 1 di sèptèmber. E barku ta transportando awa potabel pa Venezuela inkonekshon ku e temblornan devastador ku a sosodé na fin di yüni.
E barku di sosten Zr.Ms. Pelikaan ta transportando 70.000 liter di awa di bebe den su tankinan, huntu ku 150 palèt di bòter di awa, equivalente na 150.000 liter. Zr.Ms. Pelikaan ta ekipá ku un kran i un bodega pa karga grandi, esie ta hasi di e barku di sosten logístiko unu sumamente adekuá pa e mishon di yudansa aki.
Na fin di yüni, Defensa Region Karibe a kontribuí tambe na esfuersonan di yudansa despues di e temblornan na Venezuela. Asina e barku di stashon Zr.Ms. Groningen a transportá desenas di miles di kilo di suministro di yudansa pa e áreanan afektá, inkluyendo awa di bebe, kuminda i suministro médiko pa e heridonan i pa esnan ku a pèrdè nan kas.
Defensa Region Karibe ta para kla henter aña pa brinda ayudo di emergensia, prinsipalmente na e paisnan di Reino Hulandes, pero, ora ta nesesario, tambe na otro paisnan den e region. Esaki ta partikularmente importante durante temporada di orkan. Duna asistensia ta un di e tres tareanan núkleo di Defensa den region Karibe.