KRALENDIJK –Kolegio Ehekutivo di Boneiru no a alkansá e fecha límite ku a palabra anteriormente pa tuma pa mas tardá 1 di yüli un desishon riba un lugá alternativo pa prosesamentu di sushi. For di un karta nobo di Kamer ta resultá ku por spera un konseho pa un lugá medio òktober numa. Despues Kolegio Ehekutivo mester hasi un eskoho definitivo ainda.
Bonaire.nu a skirbi dezèmber ana pasá kaba ku pa mas tardá 1 di yüli 2026 mester a traha palabrashonnan konkreto kaba pa un solushon struktural pa prosesamentu di sushi. Den e akuerdo di gobièrnu tabatin stipulá ademas ku Kolegio Ehekutivo mester a tuma pa mas tardá riba e fecha ei un desishon riba un sitio alternativo. No tin e desishon ei ainda.
Sekretario di estado Annet Bertram di Infrastruktura i Obra Públiko ta skirbi Tweede Kamer awor ku Deloitte i Witteveen+Bos ta trahando ainda riba un investigashon pa un senario prepará pa futuro i un lugá pa un sentro di separashon i almasenahe nobo ku ta multi funshonal. E investigashon ei ta keda kla medio òktober numa. Despues Kolegio Ehekutivo mester skohe un lugá definitivo “rápido”.
Den luna di yüni tabata opvio kaba ku no a elaborá sufisiente riba e alternativa pa Lagun. Un investigashon di KPMG a mustra ku Boneiru tabata prinsipalmente trahando riba stabilisá e situashon aktual, mientras mester a determiná ainda kon lo prosesá e sushi despues di 2028.
Fecha límite nobo pa organisashon di ehekushon
E karta di Kamer ta kontené tambe un fecha límite konkreto nobo. Pa mas tardá 1 di òktober mester tin un proposishon desaroyá pa e organisashon di ehekushon ku mester bai ehekutá kon ta atendé ku e problema di desperdisio entre 2026 i 2028.
Bou di guia di Entidat Públiko Boneiru (EPB) e organisashon ei mester traha na un alternativa pa e lèntfel, organisá e futuro fluhonan di sushi i pèrkurá ku por kontrolá desmantelashon di Lagun.
E meta ta keda pa stòp di depositá sushi na Lagun pa mas tardá 31 di dezèmber 2028. Esei tabata konosí kaba anteriormente i Bonaire.nu a informá esei fin di aña pasá kaba.
E rol grandi di Reino pa otorgá pèrmit, supervishon i mantenshon no ta nobo. Bonaire.nu a elaborá ampliamente riba esaki e siman aki kaba. Minister di Infrastruktur i Obra Públiko mester bira finalmente e outoridat kompetente pa e pèrmit di Selibon i Inspekshon Ambiente di Bida i Transporte ta bai supervisá i mantené.
No ta konosí ainda kuantu e adaptashonnan ta bai kosta. E organisashon di ehekushon mester bai sigui definí esaki. Reino i EPB lo mester bai wak huntu kon por regla e finansiamentu nesesario.